Mihi

E te whanau whanui o Te Amorangi Matauranga Matua,
tena koutou, tena tatou katoa.
Tena koutou i a tatou aitua maha e hinga atu na,
e takoto mai ra i o tatou marae.

Kua oti tenei waka hou te tarai, a, kua manu,

Kia tere whakamua.
Ko tatou katoa nga kaihautu, nga kaihoe

E rere te manuka, hopukia!

Kia tika te hoe i te waka,
Kei pariparia e te tai.
Ahakoa toka tu, ahakoa ngaru nui

Kia kaha, kia mau, kia ita!
Kia kotahi te hoe!

Eke panuku, eke tangaroa
Haumi e! hui e! taik e!

E hi ake nei te atakura
He tio, he huka, he hauhunga.